Kreu i Partisë së Lirisë, Ilir Meta, feston këtë 24 mars, 57-vjetorin e lindjes. Edhe këtë vit, ashtu si një vit më parë, kjo ditëlindje e gjen atë në kushte të pazakonta, prapa hekurave në qelitë e burgut 313 në kryeqytet.
Me rastin e kësaj dite, sekretari i Përgjithshëm i Partisë së Lirisë, Tedi Blushi, i ka përcjellë një mesazh urimi përmes rrjeteve sociale, duke e cilësuar Metën si një figurë të rëndësishme politike dhe simbol qëndrese.
“Edhe 100 pranvera të reja, të mbushura me shëndet të plotë, energji të pashtershme dhe mbarësi në çdo hap për Presidentin Ilir Meta, liderin e pathyeshëm, patriotin e palëkundur dhe burrin e shtetit me vizion të qartë, që i ka kushtuar jetën kauzave të mëdha kombëtare. Sot, më i fortë se kurrë, ai qëndron si një simbol frymëzimi për Lirinë, Demokracinë dhe dinjitetin njerëzor, një zë i fuqishëm i qëndresës dhe rezistencës përballë padrejtësisë, së keqes dhe çdo forme autokracie”, shkruan Blushi në postimin e tij.
Ai thekson më tej se Meta mbetet një simbol frymëzimi për lirinë, demokracinë dhe dinjitetin njerëzor, duke shtuar se kjo ditëlindje duhet të shënojë një kthesë drejt lirisë së tij të shpejtë.
Postimi i Tedi Blushit:
Edhe 100 pranvera të reja, të mbushura me shëndet të plotë, energji të pashtershme dhe mbarësi në çdo hap për Presidentin Ilir Meta, liderin e pathyeshëm, patriotin e palëkundur dhe burrin e shtetit me vizion të qartë, që i ka kushtuar jetën kauzave të mëdha kombëtare.
Sot, më i fortë se kurrë, ai qëndron si një simbol frymëzimi për Lirinë, Demokracinë dhe dinjitetin njerëzor, një zë i fuqishëm i qëndresës dhe rezistencës përballë padrejtësisë, së keqes dhe çdo forme autokracie.
Me gjithë zemër uroj që kjo ditëlindje të shënojë edhe një kthesë të shpejtë drejt lirisë së merituar, aty ku e ka vendin, pranë njerëzve, mes bashkëpunëtorëve të tij besnikë, gjithmonë në shërbim të Shqipërisë dhe në mbrojtje të sovranitetit dhe interesit kombëtar.
Malet tona më të larta mishërojnë qëndresën, fuqinë, pathyeshmërinë dhe fitoren e tij dhe Partisë së Lirisë.
LIRIA DO TË TRIUMFOJË SHUMË SHPEJT!
