Një ngjarje e pazakontë ka ndodhur ditën e sotme në qytetin e Beratit ku një 69-vjeçare, shtetase e huaj është rrëzuar nga muri rrethues i Kalasë.
Mediat bëjnë me dije se bëhet fjalë për shtetasen Lumnika Kaceli, banuese në Tiranë dhe me kombësi hollandeze.
Ndërsa mësohet se për shkak të rënies nga lartësia ajo ka pësuar frakturë në njërën këmbë dhe lëndime të shumta në trup.
Menjëherë pas ngjarjes 69-vjeçarja është transportuar në spital për të marrë ndihmën e nevojshme mjekësore.
Fatmirësisht thuhet se ajo ndodhet jashtë rrezikut për jetën. Ndërsa policia ndodhet në vendgjarje duke vijuar punën për zbardhjen e plotë të ndodhisë.
