Oltion Klosi, ditën e vendosjes së tritolit në makinën e tij, më 10 mars, sapo ishte kthyer në shtëpi pas ceremonisë mortore të xhaxhait.
Të paktën kështu ka pretenduar vetë ai në dëshminë e dhënë para policisë në kuadër të ngjarjes së 10 marsit.
“Kam qenë gjithë ditën në mortin e vdekjes së xhaxhait tim. Sapo jam kthyer dhe kam hyrë në banesë, kam dëgjuar një shpërthim të fortë. Kam dalë jashtë dhe pashë automjetin e dëmtuar që nxirrte tym” është shprehur Klosi.
Gazetari Elton Qyno raporton se referuar dëshmisë së tij, Klosi ka parkuar mjetin dhe pasi u largua brenda pak minutash Jurgen Gjonaj, ka vendosur tritolin në makinën e tij “Benz-Mercedes”.
Në lidhje me këtë ngjarje Klosi është shprehur se se nuk kishte dijeni dhe as dyshime se kush mund të jetë personi që urdhëroi vendosjen e tritolit në makinën e tij.
Edhe pse Klosi në dëshminë e tij ka rrëfyer se nuk ka dijeni fare s ekush mund fshihet pas tritolit, pamjet filmike tregojnë se rreth orës 01:55 të mesnatës së 10 Marsit 2026 një person i paidentifikuar dhe i veshur me rroba të zeza dhe me kapuç të zi, kalon afër mjetit tip Benz-Mercedez me biçikletë dhe më pas kthehet në fund të rrugicës dhe më pas ndodh shpërthimi.
Personi i maskuar ka rezultuar se është Jugen Gjonaj i cili në dëshminë e dhënë para policisë pohoi se i vendosi tritolin makinës së Klosit pasi ishte urdhëruar nga Renato Balla.
Gjonaj është shprehur se pranoi ta kryente “operacionin” ndaj Klosit pasi prej vitesh nuk kishte arritur të shlyente borxhin prej 14 mijë eurosh ndaj Renato Ballës. Ky i fundit i garantoi se borxhi konsiderohej i shlyer nëse ai pranonte të merrte përsipër kërkesën e tij, për të vendosur tritolin në makinën e Klosit.
Nga kjo ngjarje, policia e Tiranës ka vënë në pranga: Jurgen Gjonaj, Renato Ballën, Kristjan Ahmeraman, Eklips Letin, Sabah Nuzin, Glentjan Kotarin, Dorjan Hamollin dhe Geris Molla.
Personat e sipërpërmendur akuzohen nga prokuroria për veprat penale sii: “Shkatërrim i pronës me eksploziv”, “Përkrahje e autorit të krimit”, “Mbajtjes pa lejë të municioneve shpërthyese” dhe “Moskallëzim krimi”.
Kujtojmë se fillimisht u raportua se tritolin për në makinën e Klosit e kishte urdhëruar Sabah Nuzi, por në dëshminë e dhënë para policisë Jurgen Gjonaj e ka mohuar këtë gjë.
Vendimi i gjykatës për masat e sigurimit:
Sabah Nuzi – arrest në burg
Jurgen Gjonaj – arrest në burg
Renato Balla – arrest në burg
Kristjan Ahmerama – arrest në burg
Eklips Leti – arrest në burg
Glentjan Kojtari – arrest shtëpie
Dorjan Hamolli – arrest shtëpie
Geris Molla – detyrim paraqitje
