Kancelari gjerman Friedrich Merz ka përjashtuar pjesëmarrjen e vendit të tij në luftën SHBA-Izrael kundër Iranit.
“Na mungon mandati nga Kombet e Bashkuara, Bashkimi Evropian ose NATO i kërkuar sipas Ligjit Themelor. Prandaj, që në fillim ishte e qartë se kjo luftë nuk është çështje e NATO-s”, tha Merz në një konferencë për shtyp në Berlin.
Ai shtoi se Gjermania nuk u konsultua as nga SHBA-ja dhe as nga Izraeli përpara se të fillonin fushatën e tyre.
Kjo do të thotë sipas Merz, se nuk ka pasur kurrë një diskutim nëse “duhet” të përfshihen trupat gjermane.
“Kjo është arsyeja pse nuk lind pyetja se si Gjermania mund të përfshihet ushtarakisht këtu”, shtoi ai.
