Bayern Munich po përballet me një krizë të pazakontë në portë në prag të ndeshjes vendimtare ndaj Atalantës, për shkak të problemeve të shumta me dëmtimet.
Sipas raportimeve, lista e mungesave është zgjatur edhe më shumë, pasi portieri me përvojë Sven Ulreich është dëmtuar dhe mbetet në dyshim serioz për sfidën e ardhshme. Edhe pse stafi mjekësor po punon për ta rikthyer në kohë, gjasat që ai të jetë i gatshëm për ndeshjen konsiderohen minimale.
Situata komplikohet më tej edhe nga pasiguria rreth gjendjes së Jonas Urbig. Rikthimi i tij për përballjen me skuadrën italiane mbetet një garë me kohën dhe ende nuk ka një siguri për aktivizimin e tij.
Nëse as Ulreich dhe as Urbig nuk arrijnë të rikuperohen, trajneri Vincent Kompany mund të detyrohet të marrë një vendim ekstrem. Në atë rast, Bayern mund t’ia besojë portën 16-vjeçarit Leonard Prescott, i cili mund të regjistrojë debutimin e tij me ekipin e parë në një nga ndeshjet më të rëndësishme të sezonit.
Kujtojmë se takimi i kthimit i fazës së 1/16-ave të Ligës së Kampionëve ndaj Atalantës është planifikuar të zhvillohet të mërkurën, më 18 mars, në orën 21:00 me orën e Europës Qendrore.
