Kryeministri Edi Rama ka deklaruar nga konferenca për mediat, se javën që vjen Kuvendi i Shqipërisë, me anë të një rezolute do të shpallë Republikën Islamike të Iranit si sponsori i terrorizmit.
“Javën që vjen parlamenti i Shqipërisë do të ftohet të votojë një rezolutë për ta shpallur Republikën Khomeiniste të Iranit, unë me gojë nuk e them dot, islamike, sepse ajo republikë s’ka asnjë lidhje me islamin sipas asaj që unë di dhe çmoj tek islami, shtet sponsor të terrorizmit. Bashkë me këtë, do të shpallet organizatë terroriste Garda Revolucionare e Iranit dhe Hezbollahu në Liban”, u shpreh Rama.
