GJKKO ka njoftuar përmes shortit se gjyqtarja Etleva Deda është caktuar për të hetuar çështjen ndaj Pjerin Ndreut.
Kështu konfirmohet zyrtarisht se kryebashkiaku i Lezhës tashmë është marrë i pandehur nën akuzën e shpërdorimit të detyrës.
Disa muaj më parë Ndreu ka qenë në SPAK, e ka konfirmuar se është marrë në pyetje si person nën hetim.
“U thirra në cilësinë e personit nën hetim. Do paraqitem gjithnjë kur të më kërkojnë të më kërkojnë t’i sqarojmë gjërat. Është një kallëzim politik, po më hetojnë për ‘shpërdorim detyre, por nuk ka të bëjë me asnjë shkelje.
Si duket shërbimi në komunitet që kemi bërë ne, nuk i ka shkuar për shtat PD-së të Lezhës, ndaj janë aty ku janë. Nuk ka lidhje as me lënien e mandatit. Ajo që kam bërë unë është detyra në shërbim të qytetarëve. Sa herë të thërrasin, do përgjigjem”, deklaronte ai më parë.
