Kreu i PD-së Sali Berisha mbajti sot fjalën e tij në foltoren e radhës me demokratët në sheshin para kryeministrisë.
Berisha vuri theksin te mbledhja e grupit parlamentar të PS-së, ku Rama mbrojti Ballukun dhe u shpreh se partia e tij nuk do votojë heqjen e imunitetit për ish-zv.kryeministren.
Sipas Berishës, PS do e përdorë Ballukun si mburojë për të mbrojtur krimet e Ramës.
“Zhvillimet e këtyre muajve nxorën në pah, para të gjithë shqiptarëve dhe botës shëmtinë më të madhe të këtij regjimi që secili prej jush e kanë denoncuar me dhjetëra qindra dhe mijëra herë. Sot deputetët e Partisë së Krimit, me në krye kreun e organizatës kriminale Edi Rama njoftuan atë që e dinte çdo shqiptar se ata do përdorin si mburojë Lubi Ballukun për vjedhjet që ka bërë Edi Rama dhe anëtarët e tjerë të organizatës.
Akti më i rëndë më sfidant më fyer për çdo qytetar shqiptar. Kam një thirrje të veçantë për çdo intelektual shqiptar, të dalë nga guacka e konformizmit të tij. Të mos harrojë kurrë se ai investim i madh që kanë bërë shqiptarët për shkollimin e tij, ka qenë para së gjithash që ai të jetë pavarësisht nga profesioni të ketë një avokat i pamposhtur i interesave të kombit të tij, publikut”,- tha Berisha.
