Një tërmet me magnitudë 5.8 të shkallës Rihter është regjistruar në orët e para të mëngjesit të kësaj të diele në Greqi.
Sipas të dhënave sizmologjike, lëkundjet janë shënuar në 03:32 UTC (05:32 me orën lokale) dhe epiqendra është lokalizuar rreth 16 kilometra në perëndim të Eleousa, si dhe rreth 155 kilometra në perëndim të qytetit të Larisës.
Tërmeti ka ndodhur në një thellësi prej rreth 5 kilometrash, çka e bën atë relativisht të cekët dhe më të ndjeshëm në zonat përreth.
Deri më tani nuk raportohen dëme materiale apo persona të lënduar, ndërsa autoritetet greke po monitorojnë situatën dhe nuk përjashtohet mundësia e lëkundjeve të tjera pasuese.
