Gjysmëfinalja e parë e Coppa Italia mes Como-s dhe Interit u mbyll pa gola, me një 0-0 që lë gjithçka të hapur për ndeshjen e kthimit në “San Siro”, ku do të vendoset skuadra finaliste. Rastet ishin të pakta dhe asnjëra palë nuk gjeti lëvizjen vendimtare.
Ndeshja la një pyetje të hapur: ishte ky barazim pa gola meritë e organizimit taktik të Como-s apo pasojë e mungesës së ideve në ndërtimin e lojës së Interit? Sipas rrjedhës së ndeshjes, pesha anon më shumë nga puna e Cesc Fabregas, i cili arriti të frenojë thuajse plotësisht manovrën zikaltër.
Interi u kthye në Appiano me një rezultat të pranueshëm në prag të ndeshjes së kthimit (e planifikuar më 21 ose 22 prill), ndërsa Como mbetet me keqardhjen për rastet e humbura dhe me besimin se mund të tentojë surprizën.
Taktika e Fabregas funksionoi
Në fushën e Como-s, Fabregas ndërtoi një plan loje specifik për Interin. Skuadra e tij u paraqit me një strukturë fleksibël:
- me katër mbrojtës në fazën e ndërtimit
- dhe me pesë në mbrojtje, me lëvizje të vazhdueshme dhe pa pika fikse në mesfushë
Como krijoi vështirësi të mëdha për Interin në dalje me top, falë presionit, lëvizjeve të mençura dhe ndryshimeve të vazhdueshme të pozicioneve. Edhe Nico Paz, në rolin e një “false 9”, zbriti shpesh në mesfushë për të ndihmuar qarkullimin e topit dhe hapur hapësira për futjet e krahëve.
Como shpërdoron rastet më të mira
Skuadra vendase u shfaq e guximshme, e organizuar dhe estetikisht e këndshme, por jo e saktë në finalizim. Como pati të paktën tre raste të mira:
- një goditje me të majtën e Nico Paz, e ndalur nga Martinez
- një tjetër tentativë e Vojvodës pas një depërtimi në zonë
- dhe rasti më i pastër i ndeshjes, kur Valle goditi nga afër, por topi përfundoi jashtë
Ky i fundit ishte momenti ku Como ishte më pranë golit. Interi shpëtoi edhe falë ndërhyrjeve të mira në mbrojtje dhe një paraqitjeje solide të Martinezit në portë.
Interi gri dhe pa rrezik real
Nga ana tjetër, Interi zhvilloi një ndeshje shumë të zbehtë në sulm. Për herë të parë këtë sezon, makina e golave të zikaltërve u duk pa ide dhe pa ritëm, duke mos krijuar raste të pastra. Portieri i Como-s, Butez, pothuajse nuk u vu fare në provë.
Ky ishte vetëm ndeshja e tretë e sezonit ku Interi mbetet pa shënuar. Megjithatë, duhen marrë parasysh edhe dy faktorë:
- rotacioni i madh në formacion
- dhe derbi i së dielës, që mund të jetë vendimtar për garën e Scudettos
Në çdo rast, fakti që Interi nuk funksionoi si zakonisht lidhet në masë të madhe me organizimin e Como-s dhe zgjidhjet taktike të Fabregas.
Lajme pozitive për Chivu-n
Mes pak gjërave pozitive për Interin ishte:
- rikthimi i Dumfries, që luajti rreth gjysmë ore
- dhe aktivizimi si titullar i Calhanoglu, i cili mori minuta të rëndësishme pas rikthimit nga dëmtimi
Kjo i jep Chivu-s më shumë qetësi në prag të derbit, ndërsa për finalen e Coppa Italia gjithçka do të vendoset në ndeshjen e kthimit në Milano.
