Shërbimi Gjeologjik i Shteteve të Bashkuara (USGS) bëri të ditur se një tërmet me magnitudë 4.4 goditi zonën e Gerashit në jug të Iranit.
Tërmeti u regjistrua në një thellësi prej rreth 10 kilometrash.
Autoritetet iraniane nuk kanë raportuar për ndonjë të lënduar apo dëme materiale.
Irani është goditur nga tërmeti teksa konflikti me SHBA-në dhe Izraelin ka hyrë në ditën e katërt.
Në orët e para të mëngjesit, Irani ndërmori një sulm me dron ndaj ambasadës amerikane në Riad.
Sipas Ministrisë Saudite të Mbrojtjes, dy dronë arritën të godasin objektivin, duke shkaktuar një zjarr “të kufizuar”, ndërsa katër mjete të tjera ajrore pa pilot u kapën nga mbrojtja ajrore saudite përpara se të arrinin zonën e ambasadave në pjesën perëndimore të kryeqytetit.
SHBA paralajmëroi hakmarrje. Presidenti Donald Trump reagoi me tone të ashpra duke paralajmëruar hakmarrje.
“Do ta mësoni së shpejti”, tha ai shkurtimisht.
