Cristiano Ronaldo vazhdon të rishkruajë historinë e futbollit në moshën 41-vjeçare. Gjatë ndeshjes që po luhet aktualisht ndaj Al-Hazm, ylli portugez ka gjetur sërish rrugën e rrjetës, duke shënuar golin e tij të 963-të në karrierën profesionale.
Me këtë gol, Ronaldo ka arritur një mileston të paimagjinueshëm: 500 gola të shënuar vetëm pasi ka kaluar moshën 30-vjeçare. Ky rekord i ri konfirmon jetëgjatësinë e tij të rrallë dhe faktin që portugezi mbetet një makineri e pandalshme golash edhe në perëndim të karrierës.
Ylli i Al-Nassr shënoi golin e avantazhit, duke treguar edhe një herë gjakftohtësi të akullt para portës dhe instinktin e vërtetë të një “bomberi”. Tashmë, sulmuesit i duhen edhe vetëm 37 gola për të kapur shifrën magjike prej 1,000 golash në total.
Nëse Al-Nassr arrin të mbajë këtë rezultat deri në fund, skuadra do të mbetet në vendin e dytë, por me sytë nga rivalët e Al-Hilal. Në rast të një hapi gabim të këtyre të fundit ndaj Al-Ittihad, ekipi i Ronaldos do të merrte kreun e renditjes në kampionatin arab.
