Kristjan Asllani është pjesë e Interit që nga vera e vitit 2022 dhe është alternativa kryesore për Inzagin në rast se Çalhanoglu është i pamundur.
Sipas mediave pranë klubit zikaltër, një ofertë nga Premier Liga për mesfushorin shqiptar është refuzuar së fundmi. Ndërsa emri i klubit mbetet i panjohur, shifra e ofruar është mes 18 dhe 20 milionë eurosh.
Interi ka paguar 15 milionë euro për 22-vjeçarin, i cili më parë kishte luajtur vetëm me Empolin në Serinë A, ku shënoi një performancë të spikatur.
Edhe pse ka pasur interes nga klube të tjera italiane, Interi ka refuzuar çdo mundësi largimi të Asllanit. Sot në mbrëmje, në orën 20:00, do të luhet finalja e Superkupës së Italisë mes Interit dhe Milanit.
