Michael Olise shumë shpejt është kthyer në një figurë kyçe të skuadrës, ndaj klubi nuk është i gatshëm ta lërë të largohet.
Sipas “The Touchline”, Bayern Munich as nuk dëshiron dhe as nuk planifikon ta shesë Michael Olise në afatin e ardhshëm të verës. Edhe vetë lojtari është plotësisht i vendosur të qëndrojë: ai është i lumtur në Mynih dhe ndjen se ka arritur nivelin e tij më të lartë te klubi gjerman.
Këtë sezon, Olise ka zhvilluar 34 ndeshje në të gjitha kompeticionet, duke shënuar 13 gola.
Më herët është raportuar se Liverpool po e monitoron nga afër situatën e Olise te Bayern dhe mund të paraqesë një ofertë të rëndësishme gjatë merkatos së verës.
