Mbretër Charles III ka reaguar pas arrestimit të vëllait të tij, ish-Princit Andrew Mountbatten-Windsor. Ai tha se ligji duhet të ndjekë rrjedhën e vet.
“Kam mësuar me shqetësim të thellë lajmin për Andrew Mountbatten-Windsor dhe dyshimin për shkelje të detyrës publike. Çfarë ndodh tani është procesi i plotë, i drejtë dhe i duhur, përmes të cilit kjo çështje do të hetohet në mënyrën e duhur dhe nga autoritetet përkatëse.
Në këtë, siç kam thënë më parë, ata kanë mbështetjen tonë të plotë dhe bashkëpunimin tonë të sinqertë. Le të them qartë: ligji duhet të ndjekë rrjedhën e vet”, tha monarku.
Charles III shtoi se duke qenë se ky proces është në zhvillim, nuk do të ishte e drejtë që të komentonte më tej mbi këtë çështje. Ndërkohë, familja e tij dhe ai vetë do të vazhdojnë me detyrën dhe shërbimin ndaj të gjithëve.
Ish-Princit Andrew Mountbatten-Windsor u arrestua këtë të enjte nën dyshimin për shpërdorim detyre, pas lidhjes me dosjen “Epstein”. Arrestimi i Andrew Mountbatten-Windsor vjen në të njëjtën ditë kur ish-princi mbush 66 vjeç.
