Policia e Tiranës ka finalizuar operacionin “Foleja 5” dhe ka vënë në pranga dy shtetase nga Kazakistani që ushtronin prostitucion në një apartament të marrë me qira, në rrugën “Don Bosko”.
Gjithashtu ka nisur hetimi për dy shtetas, përfitues nga kjo veprimtari.
Policia njofton se në kuadër të këtij operacioni u vunë në pranga shtetaset nga Kazakistani M. A., 34 vjeçe dhe A. A., 37 vjeçe, pasi nga hetimet rezultoi se ushtronin prostitucion, në një apartament që e kishin marrë me qira, në rrugën “Don Bosko”.
Efektivët sekuestruan një shumë parash e dyshuar e përfituar nga kjo veprimtari dhe 4 celularë.
