Personi që shihni në foto është Ramazan Mataj, i cili u ekzekutua me breshëri plumbash brenda makinës së tij.
Ngjarja u shënua në Dragoç të Shkodrës, i riu ka qenë duke lëvizur me automjetin e tij tip “Benz”, ku është qëlluar me breshëri plumbash. Plumba që i kanë marrë jetën.
Ngjarja dyshohet se ka ndodhur mbrëmjen e djeshme, por kanë qenë banorët e zonës që mëngjesin e sotëm kanë vënë re automjetin e bërë “shoshë” nga plumbat dhe trupin e pajetë të 33-vjeçarit.
Fqinjët kanë dëgjuar të shtëna, por nuk e kanë kuptuar mirë se çfarë ishin, pasi aty pranë ndodhet një lokal dasmash.
33-vjeçarit33-vjeçari kishte vetëm 1 vite që ishte kthyer nga Belgjika, ku kishte jetuar dhe [punuar. Një nga pistat që po hetohet është ndonjë konflikt i mundshëm në Belgjikë që mund të ketë çuar në atentatin e mbrëmshëm.
Në vendngjarje kanë shkuar shërbime të shumta të Policisë dhe Forca Kombëtare e Sigurisë, Njësia Shkodër.
Është ngritur një grup i posaçëm hetimor dhe në drejtimin e Prokurorisë vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të rastit, identifikimin dhe kapjen e autorëve.
