Një ngjarje e rëndë është regjistruar në Tiranë, ku një vajzë ka mbetur e plagosur me armë zjarri pranë Fakultetit të Ekonomikut.
Mësohet se ngjarja ka ndodhur pak pas mesnate, në një hotel në zonën e Saukut.
18-vjeçarja është transportuar në spital nga një punonjës i hotelit. Ende nuk dihet identiteti i vajzës por mësohet se ajo është studente.
Sa i përket autorit, ai ende nuk është identifikuar, por është larguar menjëherë nga vendngjarja.
Forca të shumta policie kanë mbërritur në zonë dhe po punojnë për zbardhjen e plotë të ngjarjes, si dhe për identifikimin dhe kapjen e autorit.
