Një operacion antidrogë është zhvilluar në qytetin e Elbasanit, në kuadër të së cilit janë arrestuar 3 persona dhe janë sekuestruar një sasi lënde narkotike.
Sipas raportimeve paraprake, 3 personat janë arrestuar teksa po tentontin të dilnin nga qyteti, ndërsa në automjetin e tyre janë gjetur dhe sekuestruar të paktën 45 kilogramë kanabis sativa, armë, municion luftarak, një sasi e konsiderueshme parash, si dhe disa telefona celularë me karta SIM shqiptare dhe të huaja.
Deri më tani identiteti i tyre nuk është bërë publik, ndërsa detaje të reja pritet të dalin në vijim.
