New York-Një gjykatës në Nju Jork ka vendosur që më 10 janar të shpallë vendimin për presidentin Donald Trump në lidhje me skandalin ku është përfshirë aktorja e filmave për të rritur, Stormy Daniels. Njoftimi vjen vetëm 10 ditë përpara inaugurimit të tij si president më 20 janar.
Kjo situatë e vendos Trumpin në rrugën për të qenë presidenti i parë që merr detyrën i dënuar për krime.
Gjykatësi Juan M. Merchan, i cili kryesoi gjyqin e Trump, me anë të një vendimi me shkrim se do të dënonte ish-presidentin dhe atë të ardhshëm me atë që njihet si shkarkim me kusht, në të cilin një çështje mbyllet pa burg, gjobë ose kusht.
Merchan nuk e pranoi thirrjen e Trump për të hedhur poshtë vendimin dhe për të mbyllur çështjen për arsye të imunitetit presidencial dhe për shkak të kthimit të tij të afërt në Shtëpinë e Bardhë.
“Vetëm duke i dhënë fund kësaj çështjeje” do të përmbushen interesat e drejtësisë”, shkroi Merchan.
Ndërkohë nga ana tjetër Trump me anë të një postimi në rrjetet sociale tha se se “do të ishte fundi i Presidencës siç e njohim ne” nëse vendimi i gjyqtarit lejohet të qëndrojë.
Trump u dënua më 30 maj të 2024 për 34 akuza për falsifikimin e të dhënave të biznesit . Ata përfshinin një skemë të supozuar për të fshehur një pagesë të heshtur për aktoren pornografike Stormy Daniels në javët e fundit të fushatës së parë të Trump në 2016. Pagesa u bë për t’I mbyllur gojën asaj mbi pretendimet se kishte pasur marrëdhënie seksuale me Trumpin, vite më parë. Ai thotë se historia e saj është e rreme dhe se nuk ka bërë asgjë të keqe.
Pas zgjedhjeve të Trump më 5 nëntor 2024, Merchan ndërpreu procedurat dhe shtyu për një kohë të pacaktuar dënimin, në mënyrë që mbrojtja dhe prokuroria të mund të peshonin mbi të ardhmen e çështjes.
Avokatët e Trump i kërkuan Merchan që ta mbyllte atë. Prokurorët pranuan se duhet të ketë disa modifikime për presidencën e tij të ardhshme, por ata insistuan se dënimi duhet të qëndrojë.
Prokurorët thanë se përcaktimi kishte për qëllim të mbulonte qëllimin e vërtetë të pagesave dhe të ndihmonte në mbulimin e një përpjekjeje më të gjerë për të mbajtur votuesit që të mos dëgjonin pretendime të pakëndshme për republikanin gjatë fushatës së tij të parë.
Përpara zgjedhjeve, avokatët e tij kërkuan të anulonin dënimin e tij për një arsye tjetër: një vendim të Gjykatës së Lartë të SHBA në korrik të 2024 që u dha presidentëve imunitet të gjerë nga ndjekja penale. Kjo kërkesë ishte ende në pritje kur zgjedhjet ngritën çështje të reja.
Ndërsa i kërkoi Merchan të anulonte dënimin, Trump gjithashtu kërkoi ta zhvendoste çështjen në gjykatën federale, ku ai gjithashtu mund të kërkonte imunitetin. Një gjykatës federal tha vazhdimisht jo, por Trump apeloi.
Çështja e parave të heshtura ishte e vetmja nga katër paditë penale të Trump që doli në gjyq.
Që nga zgjedhjet, këshilltari special Jack Smith i ka përfunduar dy çështjet e tij federale. Njëra kishte të bënte me përpjekjet e Trump për të përmbysur humbjen e tij në zgjedhjet e vitit 2020; tjetri kishte të bënte me grumbullimin e dokumenteve të klasifikuara në pronën e tij në Mar-a-Lago.
