Luis Enrique ka folur për herë të parë hapur lidhur me zërat për të ardhmen e tij te PSG, pas sezonit të suksesshëm ku e udhëhoqi klubin drejt triumfit në Champions League. Edhe pse spekulimet kanë qenë të shumta, trajneri spanjoll ka dhënë një mesazh të qartë.
I pyetur për të ardhmen, Luis Enrique tha se ndihet shumë mirë në Paris dhe është i lumtur te PSG. “Jam shumë i lumtur te Paris Saint-Germain. Ici c’est Paris!”, u shpreh ai.
Ndërkohë, raportohet se drejtuesit e klubit kanë nisur bisedimet zyrtare për rinovimin e kontratës së tij, ndërsa brenda PSG-së ai vlerësohet maksimalisht pas sezonit të fundit të suksesshëm.
