Gazetari Ismet Drishti përmes një njoftimi në rrjetet sociale, ka bërë me dije se ditën e sotme ka vizituar në spitalin e Shkodrës, aktorin e njohur shkodran Nexhmedin Shabani, i cili pak ditë më parë është përplasur nga një makinë.
Ismet Drishti shkruan se e ka pyetur aktorin sesi ndjehet, ndërsa ky i fundit i përgjigjet në nota ironie “Shko e pyet makinën”.
Ndërsa më tej, gazetari thekson se postimin e tij se Shabani, edhe pse në reanimacion, nuk i lë batutat.
Po ashtu në pamje dallohet se aktori nga aksidenti ka pësuar dëmtime të rënda në kokë.
Postimi i Ismet Drishtit:
Shkoj në reanimacionin e spitalit rajonal Shkodër ku është I shtruar Njeriu i Mirë Nexho Shabani, pas përplasjes që i ka bërë një makinë dhe pasi mbaroi ritualin hyjnor të ngrënies e pyes:
– Hë Nexho, si je, si ndjehesh?
– Shko e pyet makinën tha…
Nexho legjenda edhe në reanimacion nuk i lë batutat.
Ky është shpirti i Shkodrës, të qeshësh edhe në dhimbje!
Kujtojmë që aktori Nexhmedin Shabani u aksidentua rëndë disa ditë më parë qytetin e Shkodrës nga një makinë, teksa ishte duke ecur me biçikletë. Shabani ka pësuar dëmtime në pjesën e këmbëve, ndërsa në kokë ka hemorragji.
