Një delegacion i Organizata për Siguri dhe Bashkëpunim në Evropë ka udhëtuar drejt Moskës, duke shënuar vizitën e parë të këtij niveli në Rusi që nga fillimi i luftës në Ukrainë në vitin 2022.
Lajmi u bë i ditur nga presidenti aktual i OSBE-së, Ignacio Cassis, i cili tha se vizita synon rinisjen e dialogut në një periudhë tensionesh të vazhdueshme mes Rusisë dhe Perëndimit.
Sipas Cassis, ai dhe Sekretari i Përgjithshëm i OSBE-së, Feridun Hadi Sinirlioğlu, janë takuar me ministrin e Jashtëm rus Sergei Lavrov në dy takime të ndara, të enjten në mbrëmje dhe të premten në mëngjes. Çdo takim ka zgjatur rreth dy orë.
OSBE-ja kishte një mision vëzhgues në Ukrainën lindore, të vendosur në vitin 2014 pas shpërthimit të konfliktit në rajon. Ky mision u tërhoq në vitin 2022, pas nisjes së pushtimit të plotë rus të Ukrainës.
