Florentino Pérez është një admirues i madh i Pedrit dhe, sipas raportimeve, synon të përsërisë rastin e Luis Figo me një lëvizje të bujshme ndaj Barcelonës. Mesfushori shihet si lider te Barça dhe ndikimi i tij në lojën e ekipit është i madh, ndaj Real Madridi po e mban prej kohësh në radar.
Sipas ElDesmarque Real Madrid, presidenti po mendon një plan afatmesëm, me idenë që të provohet afrimi i Pedrit në sezonin 2027/2028, në një skenar që do të krijonte zhurmë të madhe në futbollin spanjoll.
Ndërkohë, Barcelona ka një mungesë të rëndësishme: Raphinha do të humbasë ndeshjen e javës së 23-të të La Ligës ndaj Mallorcës për shkak dëmtimi, me stafin mjekësor që ende nuk e ka dhënë “dritën jeshile” për rikthim.
