Federata e futbollit kosovar ka njoftuar përzgjedhjen e lojtarëve që Franco Foda ka thirrur për dy sfidat në kuadër të Ligës së Kombeve.
Në listën e trajnerit gjerman janë përfshirë edhe treshja e shkarkuar muajin e kaluar: Edon Zhegrova, Florent Muslija dhe Arijanet Muric.
Kjo treshe ka shprehur keqardhje publike përmes një letre të drejtuar trajnerit, bashkëlojtarëve, Federatës dhe tifozëve.
Përveç kësaj, një risi tjetër në listën e tetorit është përfshirja e Amir Saipit, portierit të Luganos.
Kosova do të përballet me Lituaninë më 12 tetor në transfertë dhe do të presë Qipron më 15 tetor.
