Kontroversia shpërtheu pas shfaqjes së Slot në podcastin “The Reds Roundtable”, ku hollandezniku ofroi një perspektivë të sinqertë mbi përprioritetet e tij menaxheriale.
Pas një sezoni debutues të suksesshëm me Liverpoolin, duke e çuar skuadrën drejt titullit në Premier League, Slot po përballet me vështirësi për të ruajtur ritmin me rivalët e tij. Ai sugjeroi se cilësia estetike e performancës së ekipit mund të ketë një rëndësi më të madhe në afat të gjatë sesa trofetë vetë.
“Si menaxher, mund të fitosh ligën, Champions League, FA Cup apo League Cup, por gjëja më e madhe që mund të fitosh është të luash futbollin më të bukur për të parë,” shpjegoi Slot.
Ai pranoi se performancat aktuale kanë irrituar disa seksione të tifozëve, duke shtuar: “Megjithatë, në këtë moment, tifozët mund të argumentojnë pak. Është diçka që unë e kam në synim. Gjithmonë dua të kem topin, dua që të jetë intens dhe dua që tifozët të pëlqejnë atë që shohin.”
Slot shkoi aq larg sa pranoi kritikët e tij, duke thënë se stili i aktual i lojës nuk ka qenë gjithmonë “një kënaqësi për t’u parë”. Megjithatë, deklarata e tij se “Trofetë janë një gjë, por të jesh një skuadër, klub ose menaxher që përfaqëson futboll të mirë, është në afat të gjatë më e çmuar” ka ndarë mendimet.
Disa e përkrahën këtë qasje, duke besuar se mundësia për të luajtur futboll atraktiv është një shenjë e vërtetë e suksesit, ndërsa të tjerë argumentojnë se trofetë janë atë që e mat suksesin në futboll.
Kjo situatë ka shkaktuar debate të ashpra midis tifozëve dhe analistëve, duke e bërë Slot një figurë të polaifikuar brenda klubit.
Megjithëse ai ka ambicien për një lojë më të bukur, presioni për rezultate pozitive mbetet një sfidë të cilën ai duhet ta menaxhojë me kujdes për të ruajtur mbështetje nga tifozët dhe drejtuesit e klubit.
