Julián Álvarez vazhdon të dëshirojë largimin nga Atlético Madrid, pavarësisht qëndrimit të prerë të klubit për ta mbajtur edhe sezonin e ardhshëm.
Sipas raportimeve, sulmuesi argjentinas është i zhgënjyer me mënyrën se si është menaxhuar situata dhe nuk e kupton qëndrimin e drejtuesve apo të Diego Simeones. Gil Marín madje ka refuzuar të takohet me lojtarin dhe agjentin e tij në ditët e fundit.
Álvarez kishte njoftuar klubin që në mars për dëshirën për t’u larguar, ndërsa në qershor kishte dhënë miratimin edhe për një transferim te Real Madrid, që kishte paraqitur një ofertë prej 150 milionë eurosh.
Megjithatë, prioriteti i tij tashmë është Barcelona. Katalanasit nuk kanë hequr dorë dhe pritet të presin deri në ditët e fundit të merkatos për të tentuar një tjetër lëvizje.
Në të njëjtën kohë, Deco po shqyrton edhe alternativa si Lautaro Martínez dhe Nicolò Tresoldi, ndërsa Arsenal mbetet një mundësi rezervë për argjentinasin nëse largimi nga Atlético bëhet i pashmangshëm.
