Ditën e sotme, vendi ynë do të vijojë të ndikohet nga kushte atmosferike të paqëndrueshme. Moti parashikohet me intervale të shkurtra kthjellimesh dhe alternime vranësirash mesatare deri të dendura.
Vranësirat do të shoqërohen me reshje shiu të herëpashershme me intensitet të ulët, ndërsa lokalisht reshjet mund të jenë mesatare dhe në formë shtrëngatash, kryesisht në zonën perëndimore të vendit. Në relievet e larta malore në verilindje dhe juglindje priten reshje bore me intensitet të ulët.
Era do të fryjë me drejtim kryesor juglindje–jugperëndim me shpejtësi mesatare rreth 7 m/s, ndërsa në zona malore, lugina dhe bregdet shpejtësia e saj mund të arrijë deri në 15 m/s. Valëzimi në det do të jetë i forcës 2–4 ballë.
Temperaturat do të luhaten nga 2 gradë Celsius në orët e mëngjesit deri në 16 gradë Celsius maksimalja gjatë mesditës.
