Vijon të ketë probleme edhe sot qarkullimi në aksin Librazhd-Qafë Thanë, pranë fshatit Dragostunjë.
Qarkullimi bëhet vetëm një korsi e gjysmë, pasi një gur i madh ende nuk është zhvendosur.
Sipas raportimeve, në rrugën që mbeti e bllokuar për 8 orë ditën e djeshme, mund të shkëmbehen dy mjete të vogla, por jo ato të tonazhit të rëndë.
Autoritetet kërkojnë që shoferët e automjeteve të lëvizin me kujdes.
Ditën e djeshme, ekipet punuan me orë të tëra për të shembur totalisht faqen e malit në mënyrë që të mos kishte rrezikshmëri të tjera pas hapjes së qarkullimit të mjeteve.
Teksa qëndruan 8 orë të bllokuar gra fëmijë e të moshuar, policia rekomandoi drejtuesit e mjeteve, që të përdorin aksin rrugor Maliq-Lozhan-Moglicë-Gramsh-Elbasan për të udhëtuar drejt Tiranës.
