Një ngjarje e rëndë ka ndodhur në Durrës, ku një i moshuar u gjet i masakruar me thikë në banesë.
Burime për media bëjnë me dije se Paulin Gina 82 vjeç, ka disa plagë me thikë në fytyrë dhe fyt.
I moshuari jetonte i vetëm në lagjen 16-të në Durrës, ndërsa të afërmit e tij jetojnë në Itali. Kanë qenë pikërisht ata që kanë telefonuar disa heë 82-vjeçarin, por nuk kanë arritur që të lidheshin.
Të shqetësuar ata kanë njoftuar policinë, e cila ka shkuar në banesë dhe e ka gjetur të moshuarin pa shenja jete.
Nuk dihet ende se në çfarë rrethanash ka ndodhur ngjarja teksa policia ndodhet në vendin e ngjarjes dhe po punon për zbardhjen e plotë të rrethanave të kësaj ngjarje.
