Analisti Fatos Lubonja komentoi në Studio24, zvarritjen e procesit Balluku në Gjykatën Kushtetuese dhe në Këshillin e Mandateve në Kuvend.
Fillimisht duke prekur komentet e deputetëve socialistë për shtyrjen në Këshillin e Mandateve, Lubonja u shpreh se nuk ka koment.
Më tej, analisti shtoi se Kushtetuesja me shtyrjen tregon se po luan volejboll me Ramën, teksa ky i fundit po del si regjisori i kësaj shfaqeje.
Lubonja: Kjo është pa koment. S’ka koment. Këtu është problemi çfarë u dikton banda anëtarëve të vet. Ka qenë ditë testi për të gjithë zhurmën e madhe të reformës së drejtësisë. Që po bën pastrimin e Shqipërisë nga korrupsioni. Ky është testi përfundimtar, që drejtësia ka qenë me regji, që Rama thotë do prekim të paprekshmit. I paprekshmi jam vetëm unë.
Sulmoi dhe opozitën me këtë rast. Kur vjen puna, se ky është regjisori, pyetja e madhe që ngrihet, kush është regjisori Rama apo amerikanët. A është regjisori? Dhe çfarë thotë regjisori? Drejtësia nuk është vetëm SPAK. GJK luan volejboll me Ramën. Nuk bëhet drejtësia për mbarë kur gjithë politika ecën në krahun e kundërt. Luajnë volejboll me Ramën që ta shtyjmë deri pas 3 muaj.
