Inter ka bërë të ditur rezultatet e analizave të kryera nga Nicolò Barella në Institutin Humanitas në Rozzano. Sipas njoftimit zyrtar, mesfushori i “Nerazzurrëve” ka pësuar një tendosje të lehtë në muskulin psoas të kofshës së djathtë dhe gjendja e tij do të monitorohet çdo ditë.
Nuk ka shqetësime serioze, por Barella pritet të mungojë në disa ndeshje: jo vetëm sonte ndaj Borussia Dortmund (për të cilën nuk është grumbulluar), por edhe ndaj Cremonese të dielën në orën 18:00, si dhe në ndeshjen e Kupës së Italisë kundër Torino-s. Rikthimi për transfertën ndaj Sassuolo-s në Reggio Emilia konsiderohet i vështirë.
Trajneri Chivu synon që Barella të jetë gati dhe në formën më të mirë për përballjen e mesit të shkurtit kundër Juventusit.
