Ashtu sikurse është bërë zakon prej kohësh, çdo fund muaji të moshuarit me 1000 halle janë te detyruar të presin në rradhë për të marrë një copë karton!
Situata është regjistruar në një nga pikat e shpërndarjes së aboneve më Tiranë. Numri i kufizuar i aboneve të prera, shtyn qytetarët të dynden drejt pikave të shpërndarjes disa ditë para se të fillojë muaji i ri, njëjtë si sot që data shënon 27 janar.
Shpesh është propozuar gjetja e një mënyre tjetër për shpërndarjen e aboneve, për të shmangur këto pamje aspak të këndshme, por duket se mungon vullneti për ta zgjidhur këtë problem.
Për sa kohë abonetë do të shpërndahen në këtë formë, ky problem do të vazhdojë dhe të moshuarit do të presin kështu!
