Me kërkesë të opozitës, kreu i Grupit Parlamentar të Partisë Socialiste, Taulant Balla, ka propozuar shtyrjen e votimit të katër projektligjeve për një javë.
Gjatë fjalës së tij në seancë, Balla tha se propozimi bazohet në rregulloren e Kuvendit dhe synon lehtësimin e kalendarit të punimeve parlamentare.
“Ndoshta do të mendoni se kemi bërë marrëveshje, por bazuar në rregullore, do të kërkoja shqyrtimin për një javë të katër projektligjeve. Shtyrjen e parë e kërkoj për propozimin e kolegëve, pasi janë projektligje që duhen rakorduar me Komisionin Evropian”, u shpreh Balla.
Ai sqaroi se shtyrja do të përfshijë projektligjin për disa shtesa në kontrollin e lëndëve që përdoren për fabrikimin e lëndëve narkotike, projektligjin për mbrojtjen nga diskriminimi, si dhe dy projektligje të tjera. Sipas Ballës, shtyrja do të ndihmojë në një shqyrtim më të plotë të akteve ligjore dhe në lehtësimin e rendit të ditës së seancës parlamentare.
“Ndoshta do të mendoni se kemi bërë marrëveshje, por bazuar te rregullorja, do të kërkoja shtyrjen për 1 javë të 4 pr.ligjeve. Shtyrjen e parë e kërkoj për propozimin e kolegut, pasi janë pr.ligje që duhen rakorduar me KE. Ndaj i propozoj seancës që pr.ligji për disa shtesa për kontrollin e lëndëve që përdoren për fabrikimin e lëndëve narkotike, për pr.ligjin për mbrojtjen nga diskriminimi dhe 2 pr.ligjet e tjera të shtyhen dhe e lehtësojmë kalendarin e ditës së sotme. “, tha Balla.
