Pas humbjes 2–3 ndaj Bournemouth në Premier League, te Liverpool kanë nisur të qarkullojnë zëra për një ndryshim të mundshëm në stol.
Sipas indykaila News, përfaqësues të Liverpool-it kanë zhvilluar një takim sekret me rrethin e Xabi Alonso. Në këtë takim janë diskutuar idetë taktike të trajnerit spanjoll si edhe objektivat e merkatos së verës, ku Alonso raportohet se ka përmendur disa lojtarë që do të donte t’i shihte në “Anfield”.
Vlen të theksohet se më herët është raportuar se Liverpool ka pyetur nëse Alonso do të ishte i gatshëm për një rikthim në klub, duke marrë një përgjigje pozitive, edhe pse trajneri ndodhet aktualisht në pauzë pas eksperiencës së tij te Real Madrid.
Në pranverën e vitit 2024, Alonso refuzoi oferta si nga Bayern Munich ashtu edhe nga Liverpool, duke vendosur të vazhdonte projektin e tij te Bayer Leverkusen.
