Paris Saint-Germain ka finalizuar transferimin e mesfushorit të Barcelonës, Dro Fernandez, pasi palët kanë përmbyllur me sukses të gjitha formalitetet dhe dokumentacionin për marrëveshjen.
Sipas gazetarit të merkatos, Fabrizio Romano, operacioni kap vlerën e pak më shumë se 6 milionë euro, duke e tejkaluar lehtë shifrën e klauzolës së raportuar më herët. Negociatat mes PSG-së dhe Barcelonës kanë ecur shpejt, pasi të dyja palët kanë gjetur menjëherë gjuhën e përbashkët.
Nga ana tjetër, kushtet personale mes lojtarit dhe klubit francez ishin rënë dakord që javën e kaluar, ndërsa tashmë Dro është gati për zhvendosjen e tij në Paris. Të gjitha dokumentet janë firmosur dhe transferimi konsiderohet zyrtarisht i mbyllur.
Vlen të theksohet se këtë sezon, Dro ka zhvilluar vetëm 8 paraqitje me Barcelonën në të gjitha kompeticionet, duke regjistruar një asist, në një ndeshje të Ligës së Kampionëve kundër skuadrës greke Olympiacos. Sipas Transfermarkt, vlera e tij në treg vlerësohet rreth 10 milionë euro.
