Nicola Peltz Beckham, aktorja e njohur amerikane, ka qenë figura e njohur në media edhe para martesës së saj me Brooklyn Beckham. E lindur në një familje të pasur në Nju Jork, Peltz filloi karrierën e saj në moshë të re, duke u bërë e njohur me rolin e saj në serialin “Bates Motel” në vitin 2013. Jeta e saj romantike gjithashtu ka tërhequr vëmendjen, sidomos për lidhjet me emra të njohur në botën e showbiz-it.
Një nga lidhjet e saj më të njohura ishte ajo me Anwar Hadid, vëllain e modeleve Gigi dhe Bella Hadid. Çifti e konfirmoi romancën në 2016, por u ndanë në 2018. Megjithatë, Peltz mbeti në marrëdhënie të mira me disa anëtarë të familjes Hadid; Gigi mori pjesë në dasmën e saj në 2022, ndërsa bashkëpunimi me Bella në “The Beauty” e theksoi këtë lidhje.
Pas ndarjes nga Hadid, Nicola kishte një lidhje të shkurtër me Paul Klein, këngëtarin e grupit LANY, ku ajo madje u përfshi edhe në projekte artistike me të. Megjithatë, lidhja e tyre përfundoi miqësisht në vitin 2019.
Njohja me Brooklyn Beckham ndodhi në Coachella në vitin 2017, por romanca e tyre filloi zyrtarisht në 2019. Çifti e bëri lidhjen publike në fillim të 2020, duke u fejuar disa muaj më vonë dhe duke u martuar në prill 2022 në një ceremoni luksoze në Floridë. Pas martesës, tensionet me familjen Beckham u bënë të njohura, sidomos për shkak të ndjenjeve të Nicolës për përjashtimin nga disa anëtarë të familjes, duke përfshirë Victoria Beckham.
Megjithëse u përballën me kritika dhe polemika, çifti ka treguar mbështetje të madhe për njëri-tjetrin. Në vitin 2025, ata planifikojnë të rinovojnë betimet e martesës për të krijuar kujtime të reja, duke u fokusuar mbi dashurinë e tyre përballë sfidave familjare. Brooklyn, përveç kësaj, ka bërë mbi 20 tatuazhe të dedikuara për Nicola-n, një shenjë e dashurisë së tij të thellë.
