Ivanka Trump, vajza e presidentit amerikan Donlad Trump ka mbërritur mbrëmjen e së enjtes në ambientet e kryeministrisë.
Ajo është pritur nga kryeministri Edi Rama i cili e ka përqafuar, përpara se të dy të hynin në godinën e qeverisë.
Vajza e Donald Trump prej dy ditësh ndodhet në Shqipëri ku fillimisht ka ndaluar në Vlorë. Agjenda e saj ka qenë e mbushur me vizita në zona si Zvërneci, Ishulli i Sazanit apo Akërni.
Siç dihet, bashkëshorti i saj Jared Kushner ka fituar tashmë emërimin si “investitor strategjik” në Shqipëri referuar këtu dhe projektit në Ishullin e Sazanit.
Kryeministri Edi Rama mbërriti mbrëmjen e djeshme në Vlorë ku darkoi me Ivanka Trump, ndërsa sot ajo ka vizituar shefin e qeverisë shqiptare në zyrë.
