Vlerësimi i dëmeve nga moti i keq që goditi Siçilinë arrin në 720 milionë euro. Guvernatori Renato Schifani njoftoi se shpallja e gjendjes së jashtzakonshme do të mundësojë shpërndarjen e 70 milionë eurove për të përballuar nevojat urgjente. Në Sardenjë, presidentja Alessandra Tode e përshkroi situatën si alarmante dhe kërkoi mbështetje financiare nga qeveria për të adresuar dëmet që kapin qindra miliona euro. Dëmet në pasurinë arkeologjike të ishullit po ashtu janë shqetësuese.
Në Kalabri, situata është e rënduar me bregdetin që është prekur nga dallëgë deri në nëntë metra të larta. Kreu i Mbrojtjes Civile, Fabio Ciciliano, theksoi se kjo është e barabartë me lartësinë e një ndërtese katërkatëshe. Vala e motit të keq u shoqërua me erëra që tejkalonin 110 km/h, duke shkaktuar më shumë dëme në infrastrukturë dhe zonat bregdetare. Kjo situatë paralajmëron për nevojën e veprimeve emergjente dhe strategjive të qëndrueshme për të mbrojtur komunitetet nga fatkeqësitë natyrore që priten të përsëriten.
