Barcelona pritet të bëjë një përforcim të madh në mesfushë, me Bernardo Silvan që raportohet se është shumë pranë kalimit te katalanasit.
Sipas ElChiringuitoTV, mesfushori portugez i Manchester City ka vendosur të mos e rinovojë kontratën me klubin anglez dhe të largohet nga Manchesteri këtë verë si lojtar i lirë. Raportimet thonë se Silva do t’i bashkohet Barcelonës pa pagesë transferimi gjatë merkatos së verës, ndërsa klubi katalanas është gati t’i ofrojë një kontratë të majme shumëvjeçare.
Madje, sipas të njëjtit burim, lojtari i ka dhënë edhe “po”-në verbale Barcelonës.
Bernardo Silva iu bashkua Manchester City-t në vitin 2017 nga Monaco për 50 milionë euro. Deri tani ai ka zhvilluar 437 ndeshje me City-n, duke shënuar 73 gola dhe dhënë 76 asist.
Kontrata e tij aktuale është e vlefshme deri në verën e 2026-s, ndërsa Transfermarkt e vlerëson kartonin e tij rreth 27 milionë euro.
