Kreu i Partisë Demokratike Sali Berisha në Foltoren e mbajtur para Kryeministrisë, falënderoi qytetarët për pjesëmarrjen duke u shpreh se kjo protestë dëshmon qëndresën për t’u përballur me narkoqeverinë.
Një organizatë kriminale e cilësuar Berisha dhe një armike e betuar e Shqipërisë dhe shqiptarëve.
Në fjalën e tij, Berisha u ndal edhe te seanca parlamentare, të cilën e cilësoi si një provokim të ulët ndaj qytetarëve.
Ai akuzoi ministren Belinda Balluku si “hajdutja më e madhe që kanë pasur shqiptarët ndonjëherë”, duke e konsideruar të dërguar për të provokuar dhe për t’u thënë qytetarëve se “ne u kemi vjedhur dhe do t’ju vjedhim”.
“Ky regjim po shpërfytyron Shqipërinë dhe shqiptarët. Kjo protestë ka një rëndësi sepse kjo javë është përcaktuese për 24 janarin protestën më të fuqishme që ka njohur Tirana ndonjëherë. Po vijmë nga parlamenti, ishte provokimi më i ulët që u bëhej shqiptarëve, karshi tyre qëndronte lubi Balluku, hajdutja më e madhe që kanë patur shqiptarëve ndonjëehrë, e dërguar për të provokuar shqiptarët dhe për t’u thënë se ne u kemi vjedhur dhe do u vjedhim”, tha ai.
