Stilisti i njohur italian i modës, Valentino Garavani, i njohur në mbarë botën thjesht si Valentino, ka ndërruar jetë në moshën 93-vjeçare.
Lajmi u bë i ditur përmes një deklarate të publikuar në Instagram nga Fondacioni Valentino Garavani dhe Giancarlo Giammetti, ku thuhet se stilisti u shua në paqe në shtëpinë e tij në Romë, i rrethuar nga familjarët e tij.
Sipas fondacionit, homazhet për Valentino Garavanin do të mbahen në sheshin Piazza Mignanelli, më 21 dhe 22 janar, ku publiku do të ketë mundësinë t’i japë lamtumirën ikonës së modës.
Ndërkohë, ceremonia mortore do të zhvillohet një ditë më pas në Bazilika e Shën Marisë së Engjëjve dhe Martirëve, një nga vendet më të rëndësishme fetare dhe historike të Romës.
