Kryeministrja daneze, Mette Frederiksen, reagoi fuqishëm ndaj kërcënimeve të presidentit amerikan Donald Trump për vendosjen e tarifave ndaj vendeve aleate që kundërshtojnë ambiciet e tij për Groenlandën. Pas një deklarate të Trump që sugjeronte tarifa 10% mbi mallrat nga Danimarka, Norvegjia, Suedia, Franca, Gjermania, Mbretëria e Bashkuar, Holanda dhe Finlanda, Frederiksen theksoi se “Europa nuk do të lejojë të shantazhohet”.
Trump kërcënoi se tarifat mund të arrijnë deri në 25% në rast të mosmarrëveshjeve për përpjekjen e tij për të fituar kontroll mbi Groenlandën, një territor autonom danez që është i pasur me burime natyrore dhe ka një rëndësi strategjike. Vendet e prekur kanë lëshuar një deklaratë të përbashkët, duke shprehurr shqetësim për retorikën e Trump dhe duke shfaqur solidaritet me Danimarkën dhe Groenlandën. Ata theksuan rëndësinë e forcimit të sigurisë në Arktik dhe ishin të gatshëm për dialog mbi sovranitetin.
Kryeministri britanik, Sir Keir Starmer, u shpreh se siguria e Groenlandës është një prioritet për të gjithë anëtarët e NATO-s dhe kritikoi praktikat tarifore që dëmtojnë aleancën. Groenlanda, përveç burimeve natyrore, ka një rol të rëndësishëm në sistemet e mbrojtjes dhe monitorimit të sulmeve në Arktik, duke e bërë atë një pikë të rëndësishme gjeostrategjike.
Demonstrata kundër planeve të Trump u organizuan në Nuuk dhe në disa qytete daneze, duke reflektuar shqetësimet e qytetarëve të Groenlandës. Sondazhet tregojnë se shumica e shtetasve në Groenlandë dhe Shtetet e Bashkuara janë kundër kontrolleve amerikane mbi ishullin.
Në mes të tensioneve, liderët e Bashkimit Evropian dhe Kanada po diskutojnë forcat e sigurisë në Arktik dhe mënyrat për të koordinuar përgjigjet ndaj kërcënimeve të SHBA-së. Ndërkohë, Trump pritet të flasë në Forumim Ekonomik Botëror në Davos, duke i dhënë një dimension të ri kësaj çështjeje.
