Edhe pse kontrata e Pep Guardiolës me Manchester City është e vlefshme deri në verën e vitit 2027, brenda klubit po qarkullon ideja që bashkëpunimi mund të mbyllet më herët, madje që këtë verë.
Sipas Topskills Sports UK, Guardiola po e mendon largimin në fund të këtij sezoni, me arsyetimin se ka arritur gjithçka që mundej me klubin anglez dhe është gati për një sfidë të re.
Në këtë kontekst, drejtuesit e City-t thuhet se kanë përzgjedhur tashmë kandidatin kryesor për stolin. Raportohet se klubi ka kontaktuar përfaqësuesit e trajnerit argjentinas Enzo Maresca, i cili u largua nga Chelsea këtë dimër. City e sheh Maresca-n si pasuesin ideal të Guardiolës dhe shpreson për një bashkëpunim të suksesshëm.
Gjatë periudhës së tij në krye të Manchester City, Guardiola ka fituar 6 herë Premier League, 1 Champions League, 2 FA Cup dhe 4 Carabao Cup.
