Kreu i qeverisë, Edi Rama i është nënshtruar një ndërhyrje kirurgjikale në QSUT.
Mësohet se ndërhyrja është kryer për hernien inguinale mëngjesin e sotëm.
Operacioni ka shkuar mirë dhe kryeministri është në gjendje të mirë shëndetësore.
Kryeministri e paralajmëroi ndërhyrjen kirurgjikale pak ditë më parë gjatë inspektimit të hapjes së spitalit ditor brenda Qendrës Spitalore Universitare “Nënë Tereza”.
Lidhur me operacionin ka reaguar edhe zyra e shtypit e kryeministrit.
“Në lidhje me pyetjet dhe kërkesën tuaj për informacion për ndërhyrjen kirurgjikale të Kryeministrit Edi Rama ju bëjmë me dije se:
Kryeministri Edi Rama aktualisht po i nënshtrohet një ndërhyrjeje kirurgjikale laparoskopike në Qendrën Spitalore Universitare “Nënë Tereza”. Ekipi mjekësor nën drejtimin e Prof. Dr. Arben Gjata po kryen ndërhyrjen kirurgjikale të hernies inguinale.
Pas përfundimit të ndërhyrjes, Kryeministri Rama pritet të kalojë natën e sotme në mjediset spitalore të QSUNT”, thuhet në njoftim.
/ilirianews
