Mbyllja e internetit në Iran ka arritur sot në një javë, teksa vendimi që ndikoi në komunikimin dhe informimin online u vendos më datë 8 janar.
Vendimi u mor në mes të një lëvizjeje masive protestash dhe vijon të jetë ende në fuqi, siç njoftoi sot organizata joqeveritare Netblocks, që monitoron sigurinë kibernetike.
“Pikërisht një javë më parë, Irani u zhyt në errësirë digjitale kur autoritetet bllokuan internetin në të gjithë vendin”,-shkroi Netblocks në rrjetet sociale.
Grupet për të drejtat e njeriut deklarojnë se kjo ndërprerje digjitale synon të fshehë shkallën e shtypjes ndaj protestuesve, ndërkohë që forcat e sigurisë kanë përdorur dhunë për të shtypur demonstratat.
