Reshjet e dëborës dhe ulja e ndjeshme e temperaturave kanë krijuar situatë të vështirë në qarkun e Dibrës. Gjatë natës, termometri në disa zona malore ka shënuar deri në -10 gradë Celsius, duke sjellë ngrica të gjera dhe akull në rrugë.
Në disa fshatra janë raportuar probleme në furnizimin me ujë të pijshëm, ndërsa reshjet kanë bllokuar zonat e Lurës, Kalasë së Dodës, Muhurrit, Selishtës, si dhe disa fshatra në njësitë Trebisht dhe Ostren. Trashësia e borës në këto zona arrin deri mbi 40 centimetra.
Edhe rrugët rurale janë vështirësuar nga bora dhe akulli.
