Më shumë se 50 protestues janë vrarë në Iran që nga fillimi i protestave antiqeveritare më 28 dhjetor, tha të martën një organizatë joqeveritare.
“Të paktën 51 protestues, përfshirë nëntë fëmijë nën moshën 18 vjeç, u vranë dhe qindra të tjerë u plagosën gjatë 13 ditëve të para të protestave në të gjithë Iranin”, tha organizata Iran Human Rights me seli në Norvegji .
Ndërkohë, “mbyllja e internetit në të gjithë vendin” e imponuar nga autoritetet iraniane në përgjigje të protestave në Iran ka hyrë në orën e 24-të, tha sot grupi i monitorimit të sigurisë kibernetike Netblocks.
