Cristiano Ronaldo ishte sërish protagonist në javën e 12-të të Saudi Pro League, teksa Al-Nassr u përball me Al-Ettifaq. Portugezi realizoi golin që e kaloi skuadrën e tij në avantazh, duke regjistruar gol-in e 957-të në karrierë.
Ndeshja nisi jo mirë për Al-Nassr, pasi Georginio Wijnaldum kaloi fillimisht Al-Ettifaq në epërsi. Reagimi i vendasve ishte i shpejtë: skuadra e Jorge Jesus barazoi me João Félix, duke rikthyer qetësinë në lojë.
Momenti vendimtar erdhi në pjesën e dytë. Pas një goditjeje të João Félix, topi u devijua te Cristiano Ronaldo dhe përfundoi në rrjetë, duke e kaluar Al-Nassr në avantazh 2-1 dhe duke vulosur edhe një tjetër kapitull në garën e tij personale për shifrën historike.
Me këtë realizim, Ronaldo tani ka vetëm 43 gola për të arritur kuotën e jashtëzakonshme të 1,000 golave në karrierë.
