Kryeministrja italiane Giorgia Meloni u ka bërë thirrje punonjësve të zyrës së kryeministrisë që të pushojnë mirë gjatë festave të Krishtlindjes, duke theksuar se i pret një vit i vështirë pune.
Gjatë një takimi me stafin në oborrin e pallatit qeveritar, Meloni u shpreh se ekipi i saj funksionon si një familje dhe se puna e përbashkët vazhdon gjatë gjithë vitit.
“Ju dua. Ne jemi një familje, luftojmë së bashku gjatë gjithë vitit,” tha ajo.
Ajo shtoi me humor se viti që kaloi ka qenë i vështirë për të gjithë, por se viti i ardhshëm pritet të jetë edhe më sfidues.
” Viti i kaluar ishte i vështirë për të gjithë ne, por mos u shqetësoni, sepse viti tjetër do të jetë edhe më keq “, tha Meloni me shaka.
“Ju këshilloj të pushoni mirë këto pushime, sepse duhet të vazhdojmë të japim përgjigje për këtë vend të jashtëzakonshëm,” përfundoi Meloni.
